Little Girl Thoughts

من أجل عينيك عشقت الهوى  بعد زمانً كنت فيه الخالى  وأصبحت عينى بعد الكرى  تقول : للتسهيد لاترحلى  يافاتناً لولاهُ ماهزنى الوجدُ ولاطعم الهوى طاب لى  هذا فؤاى فامتلك آمرهُ أظلمهُ أن شئت أو فاعدلى ************** من بريق الوجد فى عينيك اشعلت حنينى وعلى دربك آنَ رحُت أرسلت عيونى الرؤاااا حولى غامت بين شكٍ ويقينِ والمنى ترقص فى قلبى على لحن شجونىِ ************** أستشف الوجد فى صوتك آهات دفينة يتوارى بين أنفاسك كى لاأستبينَ لستُ أدرى أهو الحبُ التى خفت شجونه  أم تخوفت من اللومِ فأثرت السكينةُ ************** ملئت لى درب الهوى بهجتاً  كالنورى ِفى وجنتِ صبحً ندى وكُنتُ إن أحسست بى شقوتً..تبكيك طفلا خائفاً وبعد ما أغريتنى لم اجد منك ألا سراباً عالقاً فى يدىىىى لم أجن منهُ غير طيفً سرىغاب عن عينى  ولم يهتدى  ************** كم تضاحكت عندما كنت أبكى وتمنيت أن يطول عذابى  كم حسِبت ألايام غير غواناً..وهى  عمرى وصفوتى وشبابى  كم ظننت الآنين بين ضلوعى بعد رجع لحنً من الاغانى العتابِ وأنا أحتسى مدامع قلبى  حين لم تَُلقنى لتسأل ما بى

فى حياتنا بنتعامل مع ناس كتير اوى فيهم اللى بنحبهم اوى واللى بنحبهم عادى وفيهم المهمين واللى مش مهمين وفيهم اللى ما نقدرش نعيش من غيرهم او هكذا يهيأ لنا, وفيهم اللى ما يفرقش معانا وجوده من عدمه. وسواء كانت الناس اللى بنتعامل معاهم دول مهمين او لا. فاحنا بندخل معاهم فى حوارات ... حوارات فى الدين, السياسة, او فى حوارات شخصية ومن خلال الحوارات دى احنا بنفهم اللى قصادنا بس ياترى عمرك سألت نفسك انت فاهم اللى قصادك صح او لا او سألت نفسك اللى قصادى فاهمنى صح او لا. طيب لو كان يهمك حاولت تفهمه صح  كتير ببقى مش فاهمة اللى قصادى او ببقى مش متأكدة من اللى يقصده وبرضه كتير بحس انى اللى قصادى فاهمنى غلط. طيب نعمل ايه علشان نتاكد اننا فاهمين صح, مقتعة بمقولة بتقول "Opening the heart results greater forgiveness and increased motivation to give and receiv e" افتح قلبك ترتاح :)

كتير منا بيختلف مع أمه ..كتير ايه دا كلنا تقريبا ودا طبيعى بسبب اختلاف الاجيال وطريقة التفكير وظروف المعيشة وحاجات كتير وعاوزة اركز شوية على طرق الاختلاف انا وكل اللى اعرفهم اخرهم بيزعقوا شوية ويقعد يهلفت فى الكلام وفى ناس بتطاول اكتر من كدا بس مش عاوزة اركز معاهم لان دول الكلام مابقاش ينفع معاه نرجع تانى للى بيزعق ويهلفت فى الكلام ومنهم انا (انا مش ملاك يعنى) انا عارفة ان كل واحد فينا بيعشق ماماته وما بستحملش عليها الهوا  بس انا عاوزة اسألك شوية أسئلة وياريت كل واحد فينا يقعد مع نفسه ويركز فى الاسئلة دى عمرك دعيت لمامتك وانت بتصلى؟ عمرك دعيت ربنا انه يعينك على بر مامتك؟ عمرك قعدت مع مامتك تتكلم فى اهتمامتها مش اهتمامتك ؟ عمرك التمست العذر لمامتك فى حاجة هيا بتعملها وبضايقك؟ عمرك فكرت فى الظروف اللى مرت بيها مامتك قبل كدا وضايقتها؟ لما بتتخانق مع مامتك بترجع بعد اد ايه علشان تصالحها ولا ما بتصالحاش اصلا؟ عمرك فكرت وانت بتجيبلها هدية هاتعجبها اد ايه ولا ما بتجبش اصلا؟ عمرك سمعتها بتقول محتاجة حاجة فنزلت تشتريها ؟ عمرك فكرت فى المسئولية اللى شايلاها وقررت انك ت

السلام عليكم ورحمة الله وبركاته  النهاردة هاتكلم عن حاجة بشوفها مهمة جدا جدا جدا فى تعاملتنا اليومية ومع ان النظرية دى شىء بيطالبنا بتطبيقه الدين والاخلاق والذوق والاتيكيت الا ان كتير مش بيطبقوها - للتوضيح فقط اسم النظرية ده من اختراعى يعنى محدش يروح يدور على الاسم فى جوجل ولا حاجة :D -  وبما اننا بنتكلم فى نظرية فهاوضحها بالطريقة اللى كنا بناخد بيها النظريات اثناء الدراسة نص النظرية: تنص النظرية على " ان المسافة بينك وبين الأخر تتناسب طرديا مع مدى قربك به/بها ... وهذه المسافة لا ترتبط ابدا بكون الاخر دا من نفس نوعك-ذكر او انثى- او لا "  والشرح فى الامثلة :D الأمثلة: بما انى معنديش عربية وبركب ميكروباظات :D ومترو واتوبيسات احيانا... فطبعا الامثلة هاتكون من تجربتى الاليمة فى وسائل الموصلات  :) 1. لما بكون قاعدة فى ميكروباص وتطلع واحدة ست علشان تقعد جنبى وتقوم رميا نفسها عليا وتقوم حشرانى وضغطانى فى نص المكان اللى كنت قاعدة فيه معتمدة اننا بنات يعنى زى بعض بجد ببقا نفسى اصوت فى وشها واقول حرااااااااااااااااااام يا ستى يا حبيبتى لازم وانت بتقعدى تاخدى

I've been tagged by Ramy Mahrous to : List five things you learnt in FCI –not Technical?? - أكون إجتماعية أكتر مما كنت عليه - الانسان مش بمظهره ولكن بجوهره - حب الناس كنز ونعمة من ربنا حتى لو واحد/ة بس هما اللى بيحبوك من غير غرض او شرط ده بالدنيا وما فيها - إن اسهل طريق للوصول لقلوب اللى حواليك انك تتصرف بطبيعتك - عرفت ان فى ناس ممكن تعرفك بس علشان المصلحة - أعتمد على نفسى فى أمور كثيرة جدا Five things you will miss in FCI? - معظم الناس اللى عرفتهم فى الكلية وان ما كنش كلهم - الكلية نفسها هاتوحشنى وعم جمعة - د/أحمد شرف - أجتماعات المشاريع - كونى طالية جامعية - القعدات الصافية مع أصدقائى لما كنا نقعد كده قعدة مع بعض ونهزر ونتكلم Best day in FCI Helwan? - Photoday 9/5/2007 - تانى عيد ميلاد ليا فى الكلية - كل يوم اتعرفت فيه على حد جديد من أصحابى كان يوم مميز بالنسبة لى - الايام اللى ظهرت فيها النتيجة ماعدا نتيجة الترم الاول فى أولى واكتر يوم مميز فيها نتيجة الترم اللى فات لما عرفت انى جبت امتياز علشان قدرت اسعد اغلى مخلوقة فى الدنيا(أمى Worst day? - أى يوم أسا